दुई संसदीय समितिको बैठक बस्दै

काठमाडौँ, २४ पुस । राष्ट्रिय सभा अन्तर्गतका दुई संसदीय समितिको बैठक आज बस्दैछ। बिहान साढे ११ बजे बस्ने विधायन व्यवस्थापन समितिको बैठक बस्नेछ। बैठकमा पर्यटन विधेयक, २०८१ मा सरोकारवालासँग छलफल हुने संसद् सचिवालयले जनाएको छ ।

बिहान साढे ११ बजे नै बस्ने सार्वजनिक नीति तथा प्रत्यायोजित विधायन समितिको बैठकमा अध्यागमन ऐन २०४९ को कार्यान्वयन र प्रत्यायोजित विधायन समेतको अवस्था सम्बन्धी अध्ययन प्रतिवेदन २०८२ मा छलफल हुनेछ।