काठमाण्डौं, २८ फागुन । निर्वाचन आयोगले धनुषा १ मा नेकपाका मातृका यादव निर्वाचित भएको विवरण अद्यावधिक गरेको छ ।
धनुषा १ मा रास्वपाका उम्मेदवार किशोरी साह कर्जा सूचना केन्द्रको कालोसूचीमा परेकाले उनको उम्मेदवारी खारेजीको निर्णयसँगै आयोगले मत परिणाम सार्वजनिक गरेको थिएन । साहको मत बढी आएपछि आयोगले नतिजा घोषणामा ढिला गरेको थियो ।
पछि दोस्रो मत प्राप्त गरेका यादवलाई विजेता घोषणा गरेर प्रमाण पत्र दिइएको थियो ।
आयोगको निर्णय पुनरवलोकनको माग गर्दै किशोरी सर्वोच्च पुगेका छन् ।
