आज सुनको भाउ २ हजार ९०० रुपैयाँले घट्यो, कतिमा हदैँछ कारोबार ?

काठमाण्डौ, १२ चैत । नेपाली बजारमा आज सुनको भाउ दुई हजार ९०० रुपैयाँले घटेको छ । सुनको भाउ २ हजार ९०० ले घटेर तोलाको २ लाख ८६ हजार ६०० रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

यस्तै, आज चाँदीको भाउ एक सय रुपैयाँले घटेर तोलाको ४ हजार ८२० रुपैयाँमा कारोबार भइरहेको महासङ्घले जनाएको छ । हिजो चाँदीको भाउ ४१५ रुपैयाँले बढेर तोलाको ४ हजार ९२० रुपैयाँमा कारोबार भएको थियो ।