काठमाडौं, १८ चैत । नेकपा एमालेको संसदीय दलको नेतामा रामबहादुर थापा बादल निर्विरोध निर्वाचित हुने भएका छन् ।
संसदीय दलको नेताका लागि उपाध्यक्ष रामबहादुर थापा बादल र सुहाङ नेम्वाङले दाबी गरेका थिए । सहमति जुट्न नसकेपछि पार्टी केन्द्रीय कार्यालयमा बसेको संसदीय दलको बैठकले निर्वाचन प्रक्रियातर्फ अघि बढ्ने तयारी गरेको थियो ।
निर्वाचन संयोजक निरज आचार्यका अनुसार थापाले उम्मेदवारी दर्ता गराइसकेका थिए भने नेम्वाङले पनि मनोनयनपत्र लिइसकेका थिए ।
नेम्वाङले प्रस्तावक र समर्थक जुटाउन नसकेपछि उनको उम्मेवारी प्रक्रिया अघि बढ्न सकेन । यससँगै चुनाव नै नगरी थापा निर्विरोध रूपमा संसदीय दलको नेतामा निर्वाचित हुने निश्चित भएको हो । थापा निर्विरोध भएसँगै एमालेले पुस्तान्तरण नचाहेको हो ? भन्ने प्रश्न यठन थालेको छ ।
