काठमाडौं, चैत्र २८ । सञ्चार तथा सूचना प्रविधि मन्त्री पृथ्वीसुब्बा गुरुङले मुलुकको समान बिकासका लागि संघीय शासन प्रणालीलाई बलियो बनाउनुपर्ने बताउनुभएको छ ।
बिहीबार ललितपुरमा प्रदेश सुशासन केन्द्र बागमती प्रदेशले आयोजना गरेको कार्यक्रममा मन्त्री गुरुङले तीनै तहले समानताको अभ्यास गर्दै मुलुकको समान बिकासमा ध्यान केन्द्रीत गनुपर्ने बताउनुभएको हो । एकात्मक शासन प्रणालीका कारण सङ्घीयताको कार्यान्वयनमा अझै पनि समस्या रहेको भन्दै उहाले वित्तीय सङ्घीयतालाई बलियो बनाउनुपर्ने धारणा राख्नुभयो ।
संघीय व्यवस्थाको मर्म र भावनालाई आत्मसात् गरी समावेशी ढङ्गबाट मुलुकको बिकास गर्नुपर्ने उहाले बताउनुभयो । उहाले प्रदेश सरकारले पनि आफ्नो औचित्य पुष्टि हुनेगरि काम गर्नुपर्नेमा जोड दिनुभयो । गुरुङले सङ्घीयताको महत्व बढ्न नसक्नुको कारणमा सबै राजनीतिक पार्टीले समेत ध्यान दिनुपर्ने बताउनुभयो ।
