काठमाडौं, भदौ २९ । सरकारले अलपत्र परेका यात्रुलाई गन्तव्यमा पठाएपछि मात्रै दसैं टिकट खुल्ने भएको छ। भदौ २३÷२४ गते भएको जेनजी आन्दोलका कारणले देशभर अलपत्र परेका यात्रुलाई गन्तव्यमा पठाएपछि मात्रै दसैं टिकट खुल्ने सरकार र सरोकारवाला निकायसँग छलफल भएको हो।
आज भौतिक पूर्वाधार तथा यातायात मन्त्रालयका सचिवको अध्यक्षतामा बसेको बैठकले देशभरका सार्वजनिक सवारी साधनलाई सडकमा निकाल्न र यात्रुहरूलाई गन्तव्यमा पुर्याउन पहल गर्ने निर्णय गरेको हो।
हाल देशभर थन्किएर रहेका सवारी साधनलाई सञ्चालनमा ल्याउने र यातायात व्यवस्था विभागका महानिर्देशक राजीव पोखरेलको संयोजकत्वमा बनेको समितिले यस विषयमा थप छलफल गर्ने छ। यात्रुहरूलाई सहज रूपमा यात्रा गर्न दिन अग्रिम टिकट बुकिङको व्यवस्था गर्नेबारे पनि छलफल भइरहेको छ।
