काठमाण्डौं, २० कात्तिक । गृहमन्त्री ओमप्रकाश अर्यालले पूर्वराष्ट्रपति विद्यादेवी भण्डारीको काठमाडौँको चपलीस्थित घरको निरिक्षण गर्नुभएको छ ।
बिहीबार चपली पुगेर अर्यालले जेनजी आन्दोलनका क्रममा आगजनीमा परेको पूर्वराष्ट्रपति भण्डारीको निरिक्षण गर्दै क्षतिको बिबरण लिनुभएको थियो ।
त्यसलगतै गृहमन्त्री अर्यालले पूर्वराष्ट्रपति भण्डारीसंग छलफल समेत गर्नुभएको थियो । छलफलका क्रममा पूर्वराष्ट्रपति भण्डारीले आगामी प्रतिनिधिसभा निर्वाचनका तयारीका बारेमा चासो व्यक्त गर्नुभएको थियो ।
यसअघि अर्यालले काठमाडौँको बोहोराटारस्थित राष्ट्रपति रामचन्द्र पौडेलको घरको समेत निरिक्षण गर्नुभएको थियो भने पूर्वराष्ट्रपति डा रामवरण यादवसंग पनि भेटवार्ता गर्नुभएको थियो ।
