गृहमन्त्री विरुद्ध संसदीय छानबिन समिति बनाउन आवश्यक छैन: दामोदर पौडेल वैरागी

रेडियो काठमाण्डु
  • ख-
  • ख+

काठमाडौं, २८ चैत ।  नेकपा एमालेका नेता दामोदर पौडेल वैरागीले   सहकारी ठगी प्रकरणमा गृहमन्त्री रवि लामिछानेविरुद्ध संसदीय छानबिन समिति बनाउन आवश्यक नरहेको बताउनुभएको छ  ।

उहाँले लामिछानेमाथि छानबिन गर्न तथ्य, प्रमाण नभएको बताउनुभयो । रेडियो काठमाण्डुको कार्यक्रम राईट कर्नरमा कुराकानी गर्ने क्रममा उहाँले  कुनै पनि विषयको गम्भीरता हेरेर छानबिन समिति बनाउनु पर्ने एमालेको मान्यता रहेको बताउनु भयो ।

प्रमुख प्रतिपक्षी नेपाली काँग्रेसले भने गृहमन्त्री लामिछानेविरुद्ध सहकारी ठगीको आरोप लागेको भन्दै संसदीय छानबिन समिति बनाउनुपर्ने माग गर्दै प्रतिनिधिसभामा विरोध गर्दै आएको छ ।

कुनै सल्लाह, सुझाव वा प्रतिकृयाको लागि 921radiokathmandu@gmail.com मा इमेल पठाउन सक्नुहुन्छ ।
प्रतिक्रिया दिनुहोस्